Vaxtilə Avropada oynamış Matias Fernandes karyerası ilə bağlı vacib qərar verib. Çili millisinin sabiq oyunçusu futbolçu həyatını başa vurub.

"Football-plus.az" xəbər verir ki, son illər ölkəsində top qovan 36 yaşlı yarımmüdafiəçi yaşıl meydanı tərk etdiyini açıqlayıb.

“Kolo Kolo”nun yetirməsi olan Fernandes peşəkar kayerasına 2004-cü ildə bu klubda başlayıb. 2006-cı ildə Avropaya üz tutan futbolçu “Vilyarreal”, “Sportinq” (Portuqaliya), “Fiorentina” və “Milan”ın formasını geyib. 2017-ci ildə “Köhnə qitə”ni tərk edən Matias iki il “Nekaksa”da (Meksika) çıxış edəndən sonra 2019-cu ildə “Atletiko Xunior”un, sonra yenidən “Kolo Kolo”nun şərəfini qoruyub. Fernandes 2021-ci ildən Çilinin “Deportes La Serena” komandasında çıxış edirdi.

Çili millisində 74 oyuna 14 qol vuran Matiasın 2006-cı ildə Cənubi Amerikanın ən yaxşı futbolçusu seçildiyini də bildirək.