“Qəbələ” - “Zirə” oyununu işıqlandırmaq üçün yollandığımız Qəbələdən qayıdırdıq. İsmayıllı-Ağsu yolunda kənarda qəza işıqlarını yandıran maşın gördük.

Əvvəlcə elə bildik ki, VAR maşınıdı. Açığı, sürücü də belə olduğunu dedi. Düşdük, danışdıq, dedi ki, sürət qutusu sıradan çıxıb. Evakuator Bakıdan yola çıxır, 2 saat yarıma, 3 saata çatar. Saat da gecə 1-di. Şirkət maşını olduğuna görə başqa evakuatora müraciət edə bilmir.

Məlum oldu ki, maşın VAR-a aid deyil. “CBC Sport”un STS-idi. Bəs bundan sonra yayınla bağlı hansısa problem ola bilərmi? Kanalın baş redaktoru Şəmsəddin Abbasovla əlaqə saxladıq. Onun dediyinə görə, qarşıdakı turda yayınla bağlı hansısa narahatlıq yoxdu.

MÜZƏFFƏR QULUZADƏ