Məlum olduğu kimi, “Qarabağ” sabah Çempionlar Liqasının pley-off mərhələsinin cavab oyununda “Ferentsvaroş”u qəbul edəcək. Cütün qalibinin əsas mərhələyə vəsiqə qazanacağı bəllidi.

Macarıstan təmsilçisinin heyətindən Julio Romonun zədəli olduğunu, bu üzdən cavab matçını da buraxacağını bilirik. Bəs, “Qarabağ”ın heyətində durum necədi?Bu sualla “köhlən atlar”ın mətbuat xidmətinin rəhbəri Anar Hacıyevə müraciət etdik. O, “Football-plus.az”a açıqlamasında komandada zədəli oyunçu olmadığını dedi.

Nə xoş xəbər! Deməli, yüngül zədəsi olan Nəriman Axundzadə də sağlamlığına tam qovuşub.

Xatırladaq ki, “Tofiq Bəhramov”da keçiriləcək oyun saat 20.45-də başlayacaq. İlk matçda “Qarabağ” 3:1 hesablı qələbə qazanıb.

KƏNAN BAHADIR