Duqlas Luis klubunu dəyişib.

"Football-plus.az" xəbər verir ki, o, yenidən İngiltərə premyer-liqasında çıxış edəcək.

“Yuventus” yarımmüdafiəçini icarəyə göndərib. 27 yaşlı oyunçu bu status ilə “Nottingem Forest”ə keçib. Bu barədə hər iki klubun mətbuat xidməti məlumat yayıb. Braziliyalı futbolçu yeni komandasında mövsümün sonuna qədər çıxış edəcək. “Nottingem Forest” onu birdəfəlik transfer etmək hüququna da malikdi.

Xatırladaq ki, Duqlas Luis İngiltərədə 2017-24-cü illərdə “Mançester Siti” və “Aston Villa”da çıxış edib. O, “Yuventus”a bir il əvvəl “Aston Villa”dan transfer edilib. Braziliyalının A seriyasında 19 oyunda meydana çıxdığını da qeyd edək.