Klublararası Dünya Çempionatının (KDÇ) formatı yenilənə bilər.

"Football-plus.az" xəbər verir ki, FİFA rəhbərliyi turnirin formatını yenidən dəyişmək imkanını nəzərdən keçirir.

Böyük Britaniyanın “The Guardian” nəşrinin məlumatına görə, FİFA 2029-cu ildən başlayaraq yarışın iki ildən bir təşkilini və iştirakçıların sayının 32-dən 48 komandaya qədər artırmağı planlaşdırır. Turnirə bir ölkədən 2-dən çox klubun qatılmasına icazə verilməsi də müzakirə olunur.

“The Guardian”ın məlumatında bildirilib ki, beynəlxalq təqvim onsuz da yükləndiyi üçün iyunda milli komandaların yoxlama oyunlarının 
ləğvi ideyası irəli sürülüb. Konkret UEFA-dan Millətlər Liqasının təqviminə düzəliş etmək tələb olunacaq.

Xatırladaq ki, bu yay ABŞ-də 32 komandanın iştirakı ilə yeni formatda keçirilən KDÇ-nin qalibi PSJ-nin qapısından 3 cavabsız top keçirən “Çelsi” olub.