Mundial indiki formatda qalacaq
Bir müddət əvvəl FİFA dünya çempionatının iki ildən bir təşkilinin mümkünlüyünü götür-qoy etməyə başlamışdı. Amma bu plan böyük ehtimalla baş tutmayacaq.
Football-plus.az xəbər verir ki, bu fikri Arsen Venger səsləndirib. FİFA-nın qlobal futbolun inkişafı departamentinin rəhbəri olan fransalı mütəxəssis “Ekip” nəşrinə açıqlamasında belə deyib:
“Rəhbərlik məndən bu barədə düşünməyi istədilər və mən pis ideya olmadığını dedim. Amma bu, seçmə mərhələnin təqviminə tamamilə yenidən baxılmasını tələb edəcək. Bu gün biz dünya çempionatının iki ildən bir təşkilinə doğru getmirik. Daha çox dördillik tsiklə üstünlük veririk. Getdikcə vacib turnirə çevrilən qadınlar arasında dünya çempionatı, Avropa çempionatı və Klublararası Dünya Çempionatı var. Bunların hamısını nəzərə almaq lazımdı”.
