Klublararası Dünya Çempionatının (KDÇ) növbəti təşkilatçısı müəyyənləşib.

"Football-plus.az" xəbər verir ki, FİFA-nın bayrağı altında təşkil edilən turnir yeni formatda ilk dəfə ABŞ-da keçiriləcək.

2025-ci ilə təyin olunan KDÇ-də 32 komanda iştirak edəcək. Artıq iştirakçıların qitələr üzrə bölgüsü də müəyyənləşib. Klubların mundialında Avropadan 12 (Çempionlar Liqasının son 4 qalibi və UEFA-nın klublar üzrə əmsallar cədvəlində ilk 8 yeri tutan komanda), Cənubi Amerikadan 6, Afrika, Asiya və Şimali Amerikadan 4, Okeaniyadan və təşkilatçı ölkədən 1 komanda iştirak edəcək.

Xatırladaq ki, KDÇ-nin son mövsümünün qalibi “Real” olub. İspaniya klubu bu il fevralın 11-də Mərakeşin Rabat şəhərində keçirilən finalda “Əl-Hilal”a (Səudiyyə Ərəbistanı) 5:3 hesabıyla qalib gəlib.