Qonsalo Ramuşun bu yay İngiltərəyə yollanmaq şansı yüksəkdi.

"Football-plus.az" xəbər verir ki, PSJ-nin oyunçusu “Mançester Yunayted”, “Aston Villa”, “Nyukasl” və “Liverpul”un maraq dairəsindədi. 24 yaşlı futbolçu daha çox oyun praktikası qazanmaq istəyir. Əslində “Liverpul”un əsas transfer hədəfi “Nyukasl”ın hücumçusu Aleksandr İsakdı. Onun transferi baş tutmasa, mersisaydlılar diqqətini Ramuşa yönəldə bilərlər.

Qonsalo ötən mövsüm PSJ-nin heyətində bütün turnirlərdə 46 oyunda iştirak edib, 19 qol vurub və 6 qolun ötürməsini verib. Onun Fransa klubu ilə müqaviləsinin müddəti 2028-ci ilin yayına qədərdi.