Xulian Alvares “Mançester Siti”dən ayrılmaq istəyir.

“El Chiringuito”nun məlumatına görə, 24 yaşlı futbolçu klub rəhbərliyindən onu transferə çıxarmağı xahiş edib. Xulian ötən mövsümün sonunda MS-nin təklif etdiyi müqaviləni yeniləməkdən imtina edib. Xəbərdə qeyd olunur ki, Alvares onun transferi üçün klubun münasib qiymət təyin etməsini istəyir.

Argentinalı futbolçu ötən mövsüm bütün yarışlarda 54 matçda iştirak edib, 19 qol vurub və 13 qolun ötürməsini verib. Onun klubla hazırkı müqaviləsinin müddəti 2028-ci ilin yayına qədər nəzərdə tutulub.