“Liverpul” bu qış heyətini yeni futbolçu ilə gücləndirməyi planlaşdırır.

Böyük Britaniya mətbuatının məlumatına görə, İngiltərə klubunun rəhbərliyi PSJ-nin hücumçusu Randal Kolo Muanini transfer etməyi düşünür. Mersisaydlılar 26 yaşlı futbolçunu gələn ilin yanvarında icarəyə götürmək istəyirlər.
Yeri gəlmişkən, Randal ilə “Arsenal” da maraqlanır. “The Standard” nəşrinin məlumatına görə, London klubu da transferi qışda reallaşdırmaq niyyətindədi. Buna səbəb “topçular”ın iki vingeri - Bukayo Saka ilə Rahim Sterlinqin zədələnməsidi.

Qeyd edək ki, bir müddət əvvəl mətbuatda “Mançester Yunayted”in də fransalı hücumçu ilə maraqlanması haqda xəbər yayılmışdı. Kolo Muani bu mövsüm bütün turnirlərdə 14 matçda meydana çıxıb, 2 qol vurub və 1 qolun ötürməsini verib.