''Həm ''Fənərbaxça'', həm də ''Feyenoord'' xalqın klublarıdı. Hər iki klubda da fanatlar fərq yaradır. ''Fənər''də oynadığım dönəmdə ''Qalatasaray''ı məğlub edərkən xalq bayram edirdi. Minlərlə insan küçələrə axışırdı. Klub illərlə çempionluq arzusunda idi və biz də bunu reallaşdırdıq. İstanbula hər getdiyimdə fanatlar həmin çempionluqdan danışır. O vaxtdan bu yana bir dəfə də çempion ola bilməyiblər. Hər iki klub üçün də şanssız bir püşk oldu. Bu mərhələyə nisbətən zəif rəqibə qarşı oyunla başlamaq daha yaxşı olardı. İki güclü rəqib qarşılaşacaq. ''Feyenoord'' evində çox inamlı təsir bağışlayır və məncə, qalib gələcəklər. Van Persinin məşqçi karyerası heç də pis başlamayıb. Ümid edirəm ki, belə də davam edəcək. Fanatlar da komandanın arxasında olacaq. İstanbuldakı oyunda isə bərabərlik qeydə alınacağını düşünürəm. ''Feyenoord'' ilə 2017-də qazandığım çempionluğu heç vaxt unutmayacam. Son turda ''Herakl'' ilə oyunda hesabı açdığım qoldan sonra sanki ''De Kuip''in ot örtüyü titrədi. Çox nadir yaşadığım duyğulardan biri idi. Həmin çempionluq mənim üçün unudulmazlar arasındadı''.