Kuyt boksda gücünü sınayacaq!
Dirk Kuyt maraqlı layihədə iştiraka razılıq verib. Niderland yığmasının sabiq hücumçusu gücünü boksda sınayacaq!
“De Telegraaf” qəzetinin yaydığı xəbərə görə, o, kikboksçu Riko Verhuvenin təşkilatçılığı ilə bu il oktyabrın 29-da keçiriləcək “Hit It” idman-əyləncə şousunda iştirak edəcək. Onun rəqibi hələlik məlum deyil. Amma Dirkin rinqdəki rəqibinin əvvəllər boksla məşğul olmayan məşhur olacağı dəqiqdi. Ona bir neçə ay ərzində Verhuven də daxil olmaqla peşəkar boksçular məşq keçəcəklər.
İndi 41 yaşında olan Kuyt bu barədə belə açıqlama verib:
“Əlbəttə, futbolu bir neçə il əvvəl tərk etmişəm və yarış ab-havası üçün çox darıxmışam. Boks qarşılaşması Niderland millisinin heyətində çıxdığım matça bənzəyəcək: üzərimdə diqqət, daxilimdə xoş təlaş olacaq... İlk dəfə başqa idman növündə güc sınamaq mənim üçün böyük imtahan olacaq. Qarşıdakı aylarda bütün diqqətimi məşqlərə yönəldəcəyəm. Səylə çalışacağam”.
Niderland millisində 104 oyuna 24 qol vuran Kuyt karyerasını “Kuik Boys”, “Utrext”, “Feyenoord”, “Liverpul” və “Fənərbaxça”da keçirib. O, futbolçu həyatını 2018-ci ildə yetirməsi olduğu “Kuik Boys”da başa vurub.
Digər xəbərlər
