Çempionlar Liqasının əsas mərhələsinə vəsiqə qazanmaq məqsədilə yola çıxan “Qarabağ” daha bir futbolçuyla danışıqlara başlayıb.

“Football-plus.az”ın əldə etdiyi məlumata görə, Ağdam təmsilçisi heyətini mərkəz hücumçusuyla gücləndirmək istəyir. Klubun heyətə cəlb etmək istədiyi oyunçu isə Rey Manaydı.

“Köhlən atlar” artıq fubolçuyla danışıqların ilkin mərhələsini uğurla başa vurub. Danışıqların maddi və müqavilənin müddəti kimi yönləri də razılaşdırıldığı halda Manayla rəsmi müqavilə imzalanacaq.

Maraq üçün qeyd edək ki, adıçəkilən oyunçu Türkiyənin 1-ci liqa klubu “Sivasspor”a məxsusdu. O, karyerası ərzində “Vatford” (İngiltərə), “Barselona”, “Albasete” (hər ikisi İspaniya), “Kalsio”, “İnter” (hər ikisi İtaliya) klublarında çıxış edib. Manay həm də Albaniya millisinin üzvüdü.

Mərkəz hücumçusunun “transfermarkt”dakı qiyməti 3 milyon avrodu. Futbolçunun “Sivasspor”la müqaviləsinin müddəti gələn ilin yayında başa çatacaq.

KƏNAN BAHADIR