“Karvan”ın yeni baş məşqçisi Azər Həşimovla ötən günlərdə əlaqə saxladıqda Pro kateqoriyasının olmadığı bəlli olmuşdu. Mütəxəssis açıqlamasında premyer-liqada çalışmaq üçün buna ehtiyac olmadığını demişdi.

“Football-plus.az”ın araşdırmasına görə, Azər Həşimovla bağlı məsələ doğrudu. Lakin o vaxt keçərlidi ki, klub yüksək yerlərə - avrokuboklara iddialı olmasın. Elitada qalmaq, yaxud orta yerlər uğrunda mübarizə aparan komanda üçün bunun heç bir problemi yoxdu. Klub çox yaxşı çıxış etsə, mövsümün gedişində “avrokubok zonası”nda olsa, baş məşqçidən Pro kateqoriyası tələb olunacaq.

Qeyd edək ki, ötən mövsüm “Qaradağ Lökbatan”ı çalışdıran Azər Həşimov iyulun 4-də “Karvan”ın “sükanı arxasına” keçib.

MÜZƏFFƏR QULUZADƏ