“Quba” qovdu və qaytardı! – baş məşqçi ilə rəhbərlik arasında nə baş verdi?
Üç gün əvvəl gecə saatlarında “Quba” rəsmi sosial şəbəkə hesablarında baş məşqçi Elvin Həsənovla yolları ayırdığını bildirdi. Bu xəbər azarkeşlər tərəfindən də birmənalı qarşılanmadı. Ötən mövsümün sonunda azarkeşlərə çempionluq sözü verən Elvin Həsənovun komandadan ayrılmaq xəbəri qubalıları həm üzdü, həm də qəzəbləndirdi.
“Football-plus.az” xəbər verir ki, gənc mütəxəssis komandadan ayrılmayıb. Bu barədə Elvin Həsənov özü bizə məlumat verdi:
“Rəhbərliklə maddi cəhətdən fikir ayrılığı oldu. Futbolçuların maaşı barədə fikirlərimiz toqquşdu, amma hər şeyi yoluna qoyduq, hər şey qaydasındadı. Hədəfimiz çempionluqdu. Səkkiz surpriz transfer etmişik. Ötən mövsüm 2-ci liqada bombardir olan Vidadi Cəfərov saatyarıma gəlib yanıma çatacaq. Müqavilə imzalayacayıq. Şahin Zəkiyevi qapıçı kimi transfer etmişik. Təcrübəli qapıçıdı. Cavid İmamverdiyev ötən mövsüm komandada lider idi. Amma bu mövsüm belə tipli futbolçu istəmirəm. Hərəkətli, sürətli futbol istəyirəm. Gənclərdən ibarət komanda formaşdırırıq. Gənc, perspektivli futbolçularımız 2-ci liqada da oynamasın, harda oynasın?! Demişdik ki, 1-ci liqaya yüksəlsək, Qubaya köçəcəyik. Ancaq fikrimiz dəyişdi. İyulun 21-də Qubaya köçürük. Məşqlərimiz və oyunlarımız orda olacaq. Rəhbərliklə danışıb belə qərara gəldik ki, hər şey gözümüzün qabağında olsun”.
MÜZƏFFƏR QULUZADƏ
Digər xəbərlər
