“Acı məğlubiyyət yaşadıq. Quba futbolla yaşayır. Belə nəticənin olmasını istəməzdik. Ard-arda ağır oyunlar və zədələr, cəzalar belə nəticənin əsas səbəbi oldu. “Şahdağ Qusar”la oyunda 13, “Şəfa” ilə oyunda 14 futbolçum var idi (PFL-in saytında yer alan protokoldan belə görünür ki, Elvin Həsənovun əlinin altında ilk oyunda 15, ikincidə 16 futbolçu olub – red.). Futbolçularım əlindən gələni etdi, etməlidi. Üçüncü olmağımız riyazi baxımdan mümkün olsa da, məncə, real görünmür. Reqlamentə görə, 2-ci liqanın dördüncüsü 1-ci liqada 9-cu yeri tutacaq komanda ilə pley-off oynayacaq. Bu üzdən şansımız var. Qarşıda beş oyunumuz var. Növbəti tur zədəlilərimiz, cəzalılarımız qayıdır. Komanda və klub rəhbərliyi ilə də görüşümüz olacaq. 1-ci liqaya çıxmaq üçün əlimizdən gələni edəcəyik”.