Fuad Cəfərov: “Aramızda heç bir fikir ayrılığı yaranmayıb”
Ötən mövsümün sonunda 2-ci liqaya yüksələn “Hypers Quba”dan xəbər var.
Bir neçə gündü ki, klubdan ayrılan futbolçuların rəhbərlikdən şikayətləndiyinə, hətta yalan vəd verdiyinə görə narazılıq etdiyinə dair iddialar var. Deyilənə görə, Region Liqasının qalibi olmazdan əvvəl komanda çempion olacaq futbolçularla yollarına davam edəcəyinə söz verib. Vüqar Nadirovun sonrakı seçimləri isə başqa oyunçular olub.
Bəs deyilənlər doğrudusa, klub niyə belə addım atıb? İddiaların nə dərəcədə olub olmadığını öyrənmək üçün “Hypers Quba”nın idman direktoru Fuad Cəfərovla əlaqə saxladıq. Onun “Football-plus.az”a açıqlaması isə belə oldu:
“Deyilənlər, sadəcə, absurtdu. Komandada köhnə heyətdən saxladığımız futbolçular da olub, sonda alınmayıb. Transfer çalışmalarımız, demək olar ki, yekunlaşıb. Bizı Region Liqasında xidmət etmiş futbolçulara ayrı-ayrılıqda təşəkkür etmişik. Aramızda heç bir fikir ayrılığı yaranmayıb. “Hypers Quba” klubunun qapıları narazılığı olan futbolçuların üzünə həmişə açıqdı. Bu kimi əsassız fikirlərin səslənməsinə təssüflənirik. Hazırda 22 futbolçumuz var. Ötənilki heyətdən bizimlə 5 futbolçu yola davam edir. Daha 3 futbolçuyla danışıqlarımız oldu, son anda anlaşa bilmədik. Qısa müddət ərzində bütün transferlerimizi açıqlayacagıq”.
RÖYANƏ OĞUZ
