“İnşallah, komandada qalsam, çempion olacağıq” – bizə də söz verdi, azarkeşlərə də
1-ci liqaya çıxmaq uğrunda pley-off oyununda “Difai”yə 1:3 uduzan “Hypers Quba” gələn mövsüm də 2-ci liqada mübarizə aparacaq.
Oyundan sonra qubalıların kapitanı Cavid İmamverdiyev gələn mövsüm çempion kimi 1-ci liqaya çıxacaqlarını azarkeşlərə söz verdi. “Football-plus.az” oyun və liqalar arasındakı fərq haqda Cavid bəyin fikirlərini öyrənib:
“Bizdə, sadəcə, keyfiyyət çatmadı. Keyfiyyət olsaydı, başabaş oynaya bilərdik. Liqaların fərqi hiss olundu. Fərdi baxımdan aşağı səviyyədə olmaya bilərik, amma tonus və təcrübə baxımından rəqibdən geri qaldıq. Azarkeşlərə də söz vermişəm – inşallah, komandada qalsam, çempion olacağıq. Rəhbərlik və baş məşqçimiz ilə çox gözəl, çempion komanda yaradacağıq. Bu il “Hypers Quba” üçün təcrübə oldu. Gələn mövsüm daha yaxşı komanda görəcəksiz”.
MÜZƏFFƏR QULUZADƏ
Digər xəbərlər
