“Difai” ilə oyuna yaxşı hazırlaşmışdıq. Rəqibi təhlil etmişdik, oyun tərzini bilirdik. Liqalar arasındakı fərqin də fərqinə varmışdıq. “Difai” mövsüm ərzində “Qəbələ”, “Karvan”, “İmişli” kimi güclü komandalarla qarşılaşıb. Sürət və oyunçuların səviyyəsi fərqli idi. Meydanda üstün oynamaq və sürpriz nəticə göstərmək istəyirdik. Təəssüf ki, bu dəfə alınmadı. Amma mən burdayam, komandadan getmirəm. Yeni bir “Hypers Quba” quracağam. Mövsümün ortasında komandaya qoşulmuşdum. Mən gələndə artıq komanda qurulmuşdu, öz komandam deyildi. Sadəcə, bir-iki transfer etmişdim. İndi isə sıfırdan başlamaq imkanım var. Hədəfimiz bəllidi. Çempion olmaq və 1-ci liqaya yüksəlmək istəyirik”.