Elçin Məsiyev Çempionlar Liqasına

FİFA referisi Elçin Məsiyev növbəti təyinat alıb.

"Football-plus.az" xəbər verir ki, ədalət təmsilçisi Çempionlar Liqasının 2-ci təsnifat mərhələsinin ilk oyunu çərçivəsində keçiriləcək “Riyeka” (Xorvatiya) - “Ludoqorets” (Bolqarıstan) qarşılaşmasının baş hakimi olacaq. Ona Elşad Abdullayev və Pərvin Talıbov kömək edəcək. Dördüncü hakim funksiyasını Fərid Hacıyev yerinə yetirəcək. İtaliyalı Canluka Aureliano VAR hakimi, digər referimiz Əliyar Ağayev isə VAR hakiminin köməkçisi kimi fəaliyyət göstərəcək.

Görüş iyulun 23-də Riyeka şəhərində yerləşən eyniadlı stadionda keçiriləcək.