“Neftçi”dən Ramil Şeydayev və İmad Faraj açıqlaması – azarkeşləri təəssüfləndirəcək xəbər
Xəbər verdiyimiz kimi, “Neftçi” təlim-məşq toplanışının ikinci mərhələsinə başlayıb. Dünən səhər saatlarında Polşaya yollanan “ağ-qaralar” axşam Keltse şəhərində məşqə çıxıb.
Maraqlıdı ki, klubun sosial şəbəkə hesablarında həmin məşqdən paylaşılan şəkillərdə iki futbolçu gözə dəymədi. Söhbət Ramil Şeydayevlə İmad Farajdan gedir.
Onların komandayla birgə Polşaya yollanıb-yollanmadığını öyrənmək məqsədilə “Neftçi”nin mətbuat xidmətinin rəhbəri Asəf Zeynallıya müraciət etdik. Onun “Football-plus.az”a cavabı:
“Hər iki futbolçu komandayla birgə Polşadadı. Sadəcə, Farajın yüngül zədəsi var. Hazırda fiziki hazırlıq üzrə məşqçinin rəhbərliyi altında fərdi məşqlər edir. Qısa zamanda komanda ilə birgə hazırlığa qatılacaq”.
Xatırladaq ki, “Binkovski” otelində məskunlaşan “ağ-qaralar” Polşada 4 yoxlama oyunu keçirəcək. Onlar iyulun 17-də “Hapoel” (Təl-Əviv, (İsrail), 22-də “Termalitsa Nyeçetşa” (Polşa), 27-də “Asteras Tripolis” (Yunanıstan) və avqustun 1-də AEL-lə (Cənubi Kipr) ilə qarşılaşacaq. Bu mərhələ avqustun 2-dək davam edəcək.KƏNAN BAHADIR
Digər xəbərlər
