''Fənərbaxça'' bu yayın ilk yoxlama matçını keçirib.

"Football-plus.az" xəbər verir ki, İstanbul nəhəngi öz ''Can Bartu'' bazasında superliqanın debütantı ''Fatih Karagümrük'' ilə qarşılaşıb.

Maraqlıdı ki, ''Fənər'' rəhbərliyinin qərarı ilə oyun tamamilə gizli şəraitdə keçirilib. Heç bir kanaldan yayınlanmayan qarşılaşmaya heç bir jurnalist də buraxılmayıb. Ona görə də ''sarı-lacivərdlilər''in heyəti ilə bağlı məlumat yoxdu.

Klubun rəsmi saytında görüşlə bağlı kiçik məlumat dərc olunub. Həmin məlumata inansaq, oyun 2:2 hesabı ilə yekunlaşıb. ''Fənər''in heyətində 11-ci dəqiqədə Cengiz Ündər, 69-cu dəqiqədə Yussef Ən-Nəsiri fərqlənib. Oyunu izləyənlər arasında başqan Əli Koç və idarə heyətinin digər üzvləri də olub.

Qeyd edək ki, bu oyunla birlikdə ''Fənər'' İstanbul toplanışını başa vurdu. Dünən Portuqaliyaya yola düşən komanda Joze Mourinyonun vətənindəki ikihəftəlik toplanış zamanı daha 4 yoxlama matçı keçirəcək.