Dünyanın ən tanınmış reperlərindən olan amerikalı Trevis Skott son mahnısını öz 20 milyon izləyicisi olan ''yutub'' səhifəsinə yerləşdirib.

"Football-plus.az" xəbər verir ki, o, ''2000 Excursion'' adlı mahnısını Jackboys ilə birlikdə ərsəyə gətirib. Mahnının ən diqqətçəkən tərəfi isə onun həm də futbolla əlaqəli olmasıdı.

Belə ki, 4 dəqiqə 12 saniyəlik klipdə Pele, Zidan, Jinola kimi futbol dünyasının unudulmaz isimləri ilə yanaşı ''Qalatasaray''ın da adı çəkilir. Mahnının həmin hissəsində ''I score goals like Pele, Zizou, Ginola, Galatasaray'' (Pele, Zizu, Jinola və ''Qalatasaray'' kimi qollar vururam) ifadəsi yer alır.

''Qalatasaray'' fanatları gözlənildiyi kimi mahnıya böyük maraq göstəriblər. Belə ki, klip ''yutub''a yerləşdirildiyi ilk 48 saat ərzində 232 mindən çox ''layk'', 3 milyondan çox baxış və 18 mindən çox şərh toplayıb.