Son vaxtlar iddiasından xeyli uzaq düşən "Real"ın baskebol komandasının yeni baş məşqçisinin adı açıqlanıb. Madrid klubu italiyalı mütəxəssis Serco Skariolo ilə üçillik müqavilə imzalayıb.

"Football-plus.az" xəbər verir ki, 64 yaşlı məşqçi 1999-2002 aralığlnda “Real”a rəhbərlik edib və İspaniya çempionu titulunu qazanıb. Onun son iş yeri "Virtus Bolonya" olub. Skariolo bu komandaya 2022-ci ildə Avropa kubokunu qazandırıb.

2009-12 aralığlnda və 2015-ci ildən İspaniya millisinin baş məşqçisi işləyən italiyalının dörd (2009, 2011, 2015, 2022) Avropa, bir dünya (2019) çempionluğu da var.