Yassin Benzyanın yenidən “Qarabağ”da oynaya biləcəyi ilə bağlı təzadlı xəbərlər gəzir. “Qarabağ”ın əlcəzairli yarımmüdafiəçini qaytarmaq istədiyini iddia edən mənbələr də var, onun özünün dönüşdə maraqlı olduğunu deyənlər də.

Əslində dünən həmkarlarımızdan biri Qurban Qurbanova bu barədə sual verdi, o isə təkzib etdi. Yenə də “Football-plus.az” məsələni aydınlaşdırmaq üçün “Qarabağ”ın mətbuat katibi Anar Hacıyevlə əlaqə saxladı, Anar bəy də təkzib etdi, klubun Benzya ilə hansısa əlaqələrinin olmadığını dedi.

Xatırladaq ki, Yassin 2023-cü ilin qışından ötən aya kimi “Qarabağ” formasını geyib.

MÜZƏFFƏR QULUZADƏ