“Qarabağ”ın Andradenin məhkəməsiylə əlaqəsi varmı? – serblərlə çəkişmə davam edir
Məlum olduğu kimi, “Partizan” (Serbiya) “Qarabağ”dan ayrılıb “Araz-Naxçıvan”la müqavilə imzalayan Partik Andradedən Beynəlxalq İdman Arbitraj Məhkəməsinə (CAS) şikayət edib. Müraciət CAS-a 2024-cü ildə ünvanlanıb. Dinləmələr isə ötən həftə - iyunun 17-də olub. Müraciətin səbəbi və məhkəmənin qərarı açıqlanmayıb.
Bəs bu məsələnin “Qarabağ”la hansısa əlaqəsi varmı? Bəlkə “köhlən atlar” məhz bu üzdən futbolçuyla yollarını ayırıb?
“Football-plus.az”ın suallarını Ağdam təmsilçisinin mətbuat xidmətinin rəhbəri Anar Hacıyev cavabladı:
“Məsələnin bizə aidiyyatı yoxdu. Bu, “Partizan”la Andrade arasında olan mövzudu. Ətraflı məlumat üçün futbolçunun özünə müraciət edə bilərsiz”.
Xatırladaq ki, “Araz-Naxçıvan” Andrade ilə “1+1” illik müqavilə imzalayıb.KƏNAN BAHADIR
Digər xəbərlər
