“Məsul qurumun tələbləri yerinə yetirilməlidi” - “Qarabağ” “Ayaks”ın futbolçusuna yardım edib?
“Qarabağ” bu gün Avropa Liqasının əsas mərhələsinin 3-cü turunda “Ayaks”ı qəbul edəcək.
Bilindiyi kimi, dünən “Tofiq Bəhramov”da keçirilən oyunöncəsi mətbuat konfransında Amsterdam təmsilçisinin futbolçusu Daniel Ruqani də iştirak etdi və Bakıda problem yaşadığını dedi:
“Təəssüf ki, elektron vizayla bağlı çatışmazlıqla üzləşdim. Viza səhv doldurulmuşdu. Bu üzdən hava limanında üç saat qalmalı oldum. Hər halda, problem həll edildi”.
Bəs “Qarabağ” bununla bağlı kluba yardım edibmi? Futbolçunun viza problemi necə aradan qaldırılıb?
“Football-plus.az”ın suallarını “köhlən atlar”ın mətbuat xidmətinin rəhbəri Anar Hacıyev cavabladı:
“Klub olaraq, bu məsələnin bizə hansısa aidiyyatı yoxdu. Futbolçunun dediyi kimi, viza müraciəti zamanı səhvə yol verilib. Sənədlər yalnış doldurulub. Bu, bizim müdaxilə edə biləcəyimiz mövzu deyil. Müəyyən prosedurlar var ki, məsul qurumun tələbləri yerinə yetirilməlidi”.
KƏNAN BAHADIR
Digər xəbərlər
