Klubunu dəyişdi, hədə-qorxu ilə üzləşdi

“Barselona”nın yeni oyunçusu Xuan Qarsiya ciddi təzyiqlərlə üzləşib.

"Football-plus.az" xəbər verir ki, bu barədə sport.es portalı məlumat yayıb.

24 yaşlı qapıçı “Espanyol”dan Kataloniyanın digər klubuna keçəndən sonra mobil telefonuna təhqirlər və təhdidlər göndərilib, naməlum nömrələrdən saysız-hesabsız zənglər alıb. Məlumatda bu səbəbdən Qarsiyanın hazırda evdən çıxmamağa üstünlük verdiyi və yalnız bir neçə yaxın dostunu ziyarət etdiyi də bildirir.

O, telefon nömrəsini dəyişməyə məcbur olub. Həmçinin təhlükəsizlik səbəbindən “Espanyol”dan olan keçmiş komanda yoldaşının doğum günündə iştirak etməyib.

“Barselona” onun transferini iyunun 18-də açıqlayıb. Xuanın imzaladığı müqavilənin müddəti isə 2031-ci ilin iyununa qədər nəzərdə tutulub.