"Hamı “Selye”nin gücündən danışır. Mən elə düşünürəm ki, ən asan rəqib elə “Sabah”ın bəxtinə düşüb. Belə klubların büdcəsi heyəti qorumağa imkan vermir, heç özlərinin də belə niyyəti olmur. Çox güman, aparıcı futbolçuların çoxu gedəcək, ötənilki “Selye” olmayacaq. Məsələn, “Aris” heyətinə 1,5 milyona futbolçu qatan komandadı. Belə baha tranferi heç “Qarabağ” edə bilmir. “Hayduk” təqdimata ehtiyacı olmayan komandadı. Büdcəsi “Aris”dən aşağı olmaz. Marko Livaya kimi futbolçunun oynadığı komandadı. “Dinamo”nun kölgəsində qalsa da, bu işlə məşğul olduğumuz üçün bilirik, komandanın 1 milyon maaş vermək imkanı var. Bu çox böyük rəqəmdi. Avropada top-klubları kənara qoysaq, tək-tük klub bu maaşları verə bilir. Nə qədər çeynənmiş ifadə olsa da, futbol kağız üzərində oynanılmır. Bu baxımdan bütün klublarımızın şansının olduğuna əminəm. Favoritlərdən söhbət gedirsə, “Zirə” ilə “Araz-Naxçıvan”ın şansı lap azdı. “Sabah” isə favoritdi. “Qarabağ”ın püşkünü məqbul qiymətləndirmək olar. Düzdü, yolun uzaqlığı var, atletik futbolçulardan ibarət komandadı. Bunlar narahatlıq yaratsa da, “Qarabağ”ın mərhələyə keçəcəyinə inanıram”.