Təbii ki, Devid Bekhem tarixdəki ən populyar futbolçulardan biridi. İngiltərə yığmasının sabiq yarımmüdafiəçisi “Mançester Yunayted”in heyətində 10-dan artıq titul qazanıb. İndi isə o, musiqiçi Pol Makkartni, aktyor Entoni Hopkins, məşqçi Aleks Ferqyuson və cəngavər tituluna layiq görülən başqa britaniyalı məşhurlarla yanaşı dayanacaq.

"Football-plus.az" xəbər verir ki, Behkem iyunun 14-də Londonda keçirilən, kral III Karlın da qatıldığı təntənəli mərasimdə idman və xeyriyyəçilik sahəsində xidmətlərinə görə cəngavər-bakalavr tituluna layiq görülüb. Artıq ona “ser”, həyat yoldaşı Viktoriyaya isə “ledi” demək olar.
MY sosial şəbəkə hesabında ən məşhur yetirmələrindən birini belə təbrik edib:

Tarix boyunca bu titula futbol dünyasından 10-dan artıq adam layiq görülüb. Bunlar arasında Stenli Metyuz, Bobbi Çarlton, Aleks Ferqyuson, Alf Remzi, Mett Basbi, Kenni Dalqliş və başqaları var. Beksə qədər 2024-cü ildə İngiltərə yığmasının sabiq baş məşqçisi Qaret Sautqeyt də ser olub.
“The Sun”ın məlumatına görə, sabiq futbolçu cəngavər titulunu illərdi gözləyirdi – onu ilk dəfə hələ 2011-ci ildə, Olimpiadanın Londonda keçirilməsinə verdiyi dəstəyə görə nominantlar sırasına salmışdılar. Ancaq sonradan qalmaqallar seriyası yaşandı: Bekhem vergi ödəməkdən yayınmaqda suçlandı, üstəlik internetə bir yazışma sızdırıldı ki, orda Devid yalnız ser rütbəsi almaq üçün xeyriyyəçiliklə məşğul olduğunu demişdi. Devid özü də həmin yazışmaların gerçək olduğunu etiraf etdi.

2021-ci ildə vergi qalmaqalı başa çatdı – Bekhemin statusu “qırmızı”dan “yaşıl”a dəyişdirildi və İngiltərə yığmasının sabiq yarımmüdafiəçisi yenidən namizədlər siyahısına qayıtdı.

İndi artıq Devidin həmin səhvlərini xatırlamırlar. O, obrazı üzərində çox çalışdı, çoxdan arzuolunmaz xəbərlərin mərkəzində dayanmır, son illərdə isə kral ailəsi ilə çox yaxınlaşıb. Məsələn, taxt-tacın varisi şahzadə Uilyam və onun xanımı Keyt Middlton ilə daimi ünsiyyətdədi, birlikdə psixi saxlamlıqla bağlı olan, “Heads Up” adlanan sosial proqramı işə salıblar. 2022-ci ildə, kraliça II Yelizaveta dünyasını dəyişdə Bekhem onunla vidalaşmaq üçün 13 saat növbədə dayanmışdı.

50 yaşlı Devid karyerasını bitirəndən sonra da futboldan uzaqlaşmır: “İnter Mayami” və “Solford Siti” klublarının həmsahiblərindən biridi. O, həmçinin ümumdünya xeyriyyə təşkilatı YUNİSEF-in, ötən ildən isə kral III Karlın Fondunun səfiridi.