Roberto Karlos futbol tarixində cərimə zərbəsindən vurulmuş ən gözəl qolun müəllifidi. Bu, bizim yox, məşhur ''FourFourTwo'' jurnalının versiyasıdı.

''Football-plus.az'' xəbər verir ki, Britaniya jurnalı futbol tarixində cərimə zərbəsindən vurulan ən gözəl qolların siyahısını müəyyənləşdirib.

Roberto Karlosun 1997-ci ildə Braziliya yığmasının heyətində Fransa ilə oyunda cərimə zərbəsindən vurduğu və topun inanılmaz trayektoriya cızaraq tora daxil olduğu qol siyahıda birinci yerə layiq görülüb. Lionel Messinin 2019-cu ildə ''Barselona''nın heyətində ''Liverpul''a vurduğu mükəmməl qol ikinci pilləyə layiq görülüb.

Üçüncü pilləni isə malayziyalı Faiz Subrinin qolu tutub. Onun 2016-cı ildə ''Pinanq''ın heyətində ''Pahanq'' ilə oyunda cərimə zərbəsindən vurduğu qol hətta ilin ən gözəl qolu seçilərək ''Puşkaş'' mükafatını qazanmışdı. İlk ''10-luq''da Kriştiano Ronaldonun birdən-birə iki qolunun yer alması diqqət çəkir. İlk ''10-luğ''u sizə təqdim edirik.

1. Roberto Karlos, 1997, Braziliya - Fransa
2. Lionel Messi, 2019, Barselona - Liverpul
3. Faiz Subri, 2016, Pinanq - Pahanq
4. Dmitri Payet, 2016, Vest Hem - Kristal Pelas
5. Kriştiano Ronaldo, 2008, Mançester Yunayted - Portsmut
6. Hakan Çalhanoğlu, 2014, Hamburq - Borussiya D
7. Devid Bekhem, 2001, İngiltərə - Yunanıstan
8. Ceyms Uord-Praus, 2022, Sauthempton - Vulverhempton
9. Ronaldinyo, 2002, Braziliya - İngiltərə
10. Kriştiano Ronaldo, 2009, Mançester Yunayted - Arsenal