“FourFourTwo” nəşri İngiltərə premyer-liqası tarixinin ən yaxşı cinah oyunçularının siyahısını tərtib edib.

Siyahıya “Liverpul”un formasını geyən Məhəmməd Salah başçılq edir. İkinci pilləni “Mançester Yunayted”in sabiq oyunçusu Kriştiano Ronaldo, 3-cü yeri isə Son Hın Min (Tottenhem) tutub. İlk “10-luğ”a Eden Azar (Çelsi), Sadio Mane (Sauthempton, Liverpul), Qaret Beyl (Sauthempton, Tottenhem), Rober Pires (Arsenal, Aston Villa), Rayan Giqqz (Mançester Yunayted), Riyad Mahrez (Lester, Mançester Siti) və Devid Bekhem (Mançester Yunayted) də layiq bilinib.

Qeyd edək ki, Salah “Çelsi” ilə premyer-liqada 19 oyuna çıxıb, 2 qol vurub və 3 məhsuldar ötürmə edib. 32 yaşlı futbolçu “Liverpul”la ölkə çempionatında 350 oyuna 212 qola və 90 məhsuldar ötürməyə imza atıb.