"Avrokuboklarda zəif-güclü rəqib axtarmaq yersizdi" - Elmar Baxşıyev
"Araz-Naxçıvan"ın baş məşqçisi Elmar Baxşıyev Konfrans Liqasının 2-ci təsnifat mərhələsinin püşkünü dəyərləndirib.
"Football-plus.az" xəbər verir ki, püşkə əsasən, Naxçıvan təmsilçisi Yunanıstan "Aris"i ilə üz-üzə gələcək.
Baxşıyev bu haqda deyib:
“Potensial rəqiblərimizin hamısı güclü komandalardı. Ümumiyyətlə, avrokuboklarda zəif-güclü rəqib axtarmaq yersizdi. Həm də burada rəqibi biz deyil, püşk seçir. İndiki məqamda əsas işimiz komandanı tez bir zamanda komplektləşdirmək, təlim-məşq toplanışına tam heyətlə çıxmaq və oyunlara yaxşı hazırlaşmaqdı. Rəqibi hələ analiz etməmişik. Püşk indi atıldı. Onları analiz etmək, zəif və güclü tərəflərini öyrənmək üçün zamanımız var”.
Qeyd edək ki, oyunlar iyulun 24-də və 31-də keçiriləcək.
Digər xəbərlər
