İtaliyanın Osloda pərən-pərən düşməsini nəzərə almasaq, Avropa zonasında bu ay keçirilən DÇ-2026-nın seçmə mərhələ oyunlarında ciddi sürpriz qeydə alınmadı.

"Football-plus.az" xəbər verir ki, yığma həftəsi İtaliya və Polşanın baş məşqçilərinin istefası ilə nəticələndi. Niderland, Bosniya və Hersoqovina, Avstriya, Norveç, İngiltərə, Xorvatiya hələ ki seçmə mərhələdə xal itirməyib.

G qrupunda 3-cü turda meydan sahibləri qola və qələbəyə həsrət qaldı. Niderland yığması Helsinkidə favorit statusunu gözləniləndən də asan şəkildə doğrultdu. “Narıncılar” ilk yarıda vurduqları qollarla Finlandiyanı “ağ bayraq qaldırmağa” məcbur etdi. Litva isə Malta ilə səfər oyununda qolsuz bərabərliklə kifayətlənməli oldu.

Bu qrupda 4-cü turun mərkəzi oyununda Finlandiya Polşa üzərində mühüm qələbə qazanaraq bir növ Niderlanda məğlubiyyəti unutdurdu. Məlum səbəblər üzündən əsas bombardiri Levandovskisiz oynamaq məcburiyyətində qalan Polşa (bu haqda 9-cu səhifədə oxu – red.) heç 1 xal da qazana bilmədi. Bu komandalar sentyabrda daha bir dəfə qarşılaşacaq və həmin görüş, çox güman, 2-ci pillə baxımından böyük əhəmiyyət kəsb edəcək.

Niderland isə gözlənildiyi kimi, zəif Malta ilə ev oyununda fanatlarını əyləndirdi. Ronald Kumanın komandası artıq 20-ci dəqiqədə hesabı 3:0-a, yəni darmadağın həddinə çatdırdı. XXI əsrdə “narıncılar” yalnız bir dəfə 3:0-ı bundan daha tez – 17-ci dəqiqədə yaxalayıb. Bu, 2011-in sentyabrında baş verib və həmin vaxt da rəqib San Marino idi. İlk iki qolu hesabına yazaraq dubl edən Depay mühüm bir göstəriciyə nail oldu. 102-ci oyunda vurduğu qolların sayını 50-yə çatdıran təcrübəli forvard yığma tarixinin ən məhsuldar oyunçusu olan Robin van Persiyə çatdı!

Maraqlıdı ki. Van Persi də 50 qolu 102 oyunda vurmuşdu. Daha bir diqqətçəkən məqam odu ki, Dyumfris Finlandiya ilə oyunda fərqlənməklə yığmada 10-cu qolunu vurmuşdu. O, Van Diyki geridə qoyaraq XXI əsrdə Niderlandın heyətinə ən çox qol vuran müdafiəçiyə çevrilmişdi. Amma Van Diyk Maltanın qapısına yol tapmaqla Dyumfrisi yaxaladı.

Onu da bildirək ki, Niderland 2 oyuna 6 xal toplamaqla və müsbət 10 top fərqi yaxalamaqla DÇ-lərin seçmə mərhələsindəki ən uğurlu startını reallaşdırıb.

G qrupu
3-cü tur
Finlandiya – Niderland 0:2 (0:2)
Finlandiya: Qradetski, Alho (Niskanen, 70), İvanov (Valakari, 76), Hoskonen, Uronen, Peltola, Tenho (Kamara, 70), Antman, Kairinen, Lod (Yensen, 55), Pohyanpalo (Kallman, 55).
Niderland: Flekken, Dyumfris, Van Heke (De Vrey, 46), Van Diyk, Ake (Van de Ven, 62), Qravenberx, De Yonq, Reynders (Klyuvert, 69), Frimponq, Qakpo (Simons, 85), Depay (Veqhorst, 69).
Qollar: Depay, 6 (0:1). Dyumfris, 23 (0:2).
Vərəqələr: Van Heke, 29. Reynders, 61. Niskanen, 90 – sarı. 
Hakim: Daniel Zibert (Almaniya). 
7 iyun. Helsinki. 29483 tamaşaçı. 

Malta – Litva 0:0
Malta: Bonello, Muskat (Korbalan, 86), Pepe, Karrager, Kamenzuli, Gillaumyer, Satariano, Cons (Evurum, 81), Teuma, C.Mbonq (Nvoko, 81), P.Mbonq (Tuma, 74).
Litva: Gertmonas, Upstas (Qolubiçkas, 46), Kajukolovas, Utkus, Tutışkinas, Gineitis, Vorobyovas (Sirqedas, 70), Lasiçkas, Slivka (Yansonas, 81), Doljnikov (Çernıx, 70), Paulauskas. 
Vərəqələr: Kajukolovas, 17. P.Mbonq, 24. Kamenzuli, 90. Tutışkinas, 90. Gillaumyer, 90+6 – sarı. 
Hakim: Marian Barbu (Rumıniya). 
7 iyun. Malta. 2785 tamaşaçı. 

4-cü tur
Niderland – Malta 8:0 (3:0)
Niderland: Flekken, Dyumfris (Qeertruyda, 79), De Vrey, Van Diyk, Van de Ven, Qravenberx (Viffer, 46), De Yonq, Simons, Klyuvert (Veqhorst, 62), Qakpo (Lanq, 46), Depay (Malen, 72).
Malta: Bonello, Korbalan (Tuma, 46), Ments, Karrager, Kamenzuli (Azzopardi, 81), Gillaumyer, Satariano (Beerman, 81), Overand (Şou, 46), Teuma (Cons, 60), C.Mbonq, P.Mbonq.
Qollar: Depay, 9-p. (1:0). Depay, 16 (2:0). Van Diyk, 20 (3:0). Simons, 61 (4:0). Malen, 74 (4:0). Lanq, 78 (6:0). Malen, 80 (7:0). Van de Ven, 90+2 (8:0).
Vərəqələr: Teuma, 34. Gillaumyer, 56. Lanq, 64 – sarı. 
Hakim: Rikardo Bonqoeçea (İspaniya). 
10 iyun. Qroningen. 21006 tamaşaçı. 

Finlandiya – Polşa 2:1 (1:0)
Finlandiya: Qradetski, Lod (İvanov, 86), Peltola, Hoskonen, Uronen (Niskanen, 71), Antman (Pukki, 86), Kairinen, Tenho, Kamara, Yensen (Alho, 63), Pohyanpalo (Kallman, 63).
Polşa: Skorupski, Keş, Şkripçak, Bednarek, Kivior, Zalevski, Sliş, Moder (Pyotrovski, 87), Şimanski, Sviderski (Kaminski, 57), Pyontek (Buksa, 87).
Qollar: Pohyanpalo, 31-p. (1:0). Kallman, 64 (2:0). Kivior, 69 (2:1).
Vərəqələr: Bednarek, 34. Kairinen, 35. Zalevski, 90+2 – sarı.
Hakim: Joao Pinyeyro (Portuqaliya). 
10 iyun. Helsinki. 16511 tamaşaçı.

1. Finlandiya 4 2 1 1 5-5 7
2. Niderland 2 2 0 0 10-0 6
3. Polşa 3 2 0 1 4-2 6
4. Litva 3 0 2 1 2-3 2
5. Malta 4 0 1 3 0-11 1

Növbəti turun oyunları sentyabrın 4-də keçiriləcək: Niderland – Polşa, Litva – Malta.