“Yerli futbolçuların dəyərinin ikiqat düşəcəyi gözlənilir”
Yay “transfer pəncərəsi“ açılan kimi ölkə klubları transfer bazarında bir qədər də fəallaşacaq. Axı bunun üçün yeni əsas da yaranıb. Yeni mövsümdən legioner limiti də götürüləcək.
Belədə ölkə klublarının transfer siyasəti hansı istiqamətə yönələcək? Onlar yenə da daha çox xarici bazara üz tutacaq, yoxsa yerli futbolçulara güvənəcək? Bu sualları menecerlərdən Tural Əsgərovla Elcan Həsənliyə ünvanladıq.
Tural Əsgərov:
“Sualınıza cavab vermək çətin olacaq. Bircə onu deyə bilərəm ki, bütün klublar xarici bazara üstünlük verəcək. Prinsipcə həmişə belə olub. Bu mövsümdən etibarən yerli futbolçuların əhəmiyyəti sıfır deməsək də, çox cüzi olacaq”.
Elcan Həsənli:
“Demək olar ki, bütün klublar əsasən legionerlərlə maraqlanır. Xarici bazardan legionerlər gələcəyinə görə yerli futbolçuların dəyərinin ikiqat düşəcəyi gözlənilir. Yerli bazardan, yerli futbolçuların transferi o vaxt aktual olar ki, klublar istədiyi legionerləri tapmasın. Klubların transfer büdcəsi də xeyli artıb. Əvvəlki mövsümlərlə müqayisədə daha çox maaş veriləcək”.
MÜZƏFFƏR QULUZADƏ
Digər xəbərlər
