Yunanıstanda derbi anlayışı artıq bütün idman sərhədlərini aşıb.

"Football-plus.az" xəbər verir ki, “Panatinaikos”la “Olimpiakos” nə vaxt üz-üzə gəlirsə, münaqişə, dava qaçılmazdı. Futbolda da belədi, basketbolda da.

Hazırda bu ölkənin basketbol çempionatında adı çəkilən komandalar arasında final seriyası keçirilir. İyunun 1-də komandalar 2-ci dəfə üz-üzə gəlib, 91:83 hesabıyla qalib gələn “Olimpiakos” seriyada hesabı bərabərləşdirib. Amma oyundan sonra “Pao”nun sahibi Dimitris Yannakopulosla bağlı axtarış elan olunub. 51 yaşlı funksioner artıq oyunun əvvəlində meydandan qovulub.

“Pao”nun mətbuat xidməti iddia edir ki, Yannakopulos heç də qırmızı vərəqəyə yox, özünün və qızının ünvanına təhqiramiz sözlər deyən rəqib azarkeşlərinin davranışına görə arenanı tərk edib.

“Olimpiakos”dan isə bildirirlər ki, “Pao”nun sahibi qovulana qədər tribunadakılara ədəbsiz jest göstərib. Prokuror onun həbsinə qərar verib, vəziyyəti belə görən Yannakopulos ələ keçməmək üçün arenadan qaçıb. “Olimpiakos”un sahibləri - Giorqos və Panayotis Angelopulos qardaşları onu məhkəməyə verib, bu üzdən axtarış elan olunub. Yannakopulos də həm qardaşlar, həm də “Olimpiakos”un baş meneceri Nikos Lepeniotis ilə bağlı məhkəmədə iddia qaldırıb.

Seriyanın 3-cü oyunu iyunun 4-də keçirilməliydi. Ancaq bu oyun qeyri-müəyyən müddətə təxirə salınıb. Yunanıstan hökuməti tərəflərə xəbərdarlıq edib ki, zorakılıq hallarına son verilməyəcəyi təqdirə seriya yarımçıq qalacaq, çempion müəyyənləşməyəcək. Final seriyası 5 oyundan ibarətdi, üç qələbə qazanan komanda çempion olur. 2024-cü ildə bu titulu “Panatinaikos” qazanıb.

Bu mövzuda yeni xəbər də var. Yannakopulos Yunanıstanın idman naziri Yannis Vrutsislə görüşüb. “Pao”nun prezidenti görüşdən sonra çempionluğun taleyi ilə bağlı nikbin danışıb: