Basketbol üzrə Avroliqada “4-lər finalı”nın bütün iştirakçılarının müəyyənləşdiyini xəbər vermişdik.

Bunlar “Real”, “Olimpiakos”, “Panatinaikos” və “Fənərbaxça”dı. Artıq yarımfinal cütləri də bəllidi: “Real” – “Olimpiakos”, “Panatinaikos” – “Fənərbaxça”. Xatırladaq ki, xronoloji ardıcıllıqla “4-lər finalı”na əvvəlcə “Real” vəsiqə qazandı. Ardından “Panatinaikos” “Makkabi”nin müqavimətini qırdı. Mayın 8-də isə “Fənərbaxça” və “Olimpiakos” da hədəfinə çatdı.

Bildiyiniz kimi, bu il “4-lər finalı” Almaniyanın paytaxtı Berlində keçiriləcək. Yarımfinal oyunları mayın 24-nə nəzərdə tutulub. 3-cü yer uğrunda oyun və final isə mayın 26-da keçiriləcək.