Macarıstan beynəlxalq yoldaşlıq oyununda millimizə qalib gəldi - 2:1.

"Football-plus.az" xəbər verir ki, rəqibin baş məşqçisi Marko Rossi oyunsonrası mətbuat konfransında jurnalistlərin suallarını cavabladı.

- Azərbaycan yığması sizə hansısa xüsusiyyətiylə sürpriz etdimi?
- Rəqibə hörmətlə yanaşdıq. Matç zamanı diqqətli çıxış etdik. 85-ci dəqiqədən sonra yorğun oıduğumuza görə, Azərbaycan millisi xeyli şans yaratdı. Bəlkə də əvəzetmələr düzgün olmadı. Rəqibin bəxti gətirsə, matç heç-heçə bitə bilərdi.

- Sanki buraxdığınız qolda top rəqibin əlinə dəymişdi...
- Bəli, matçdan sonra epizoda baxdıq. Məncə də, əllə oyun var idi. Ancaq matçda VAR olmadığına görə, nəticə dəyişmədi.

- Heyətdə dəyişikliklər etmişdiz. Oyundan və nəticədən razı qaldız?
- Bəli, yaxşı oynadıq. Hadisələrin axarına nəzarət etdik. Sadəcə, son 10 dəqiqədə bəzi problemlər yarandı. Ümumilikdə, komandamdan razı qaldım.

- Qapıçıların performansını bəyəndiz?
- Hər ikisi səhvsiz oynadı. Dəyişiklik əvvəldən razılaşdırılmışdı.

- Azərbaycan millisində hansı futbolçu xüsusi diqqətinizi çəkdi?
- Mahir Emreli maraqlı oyunçudu. Onun 2-ci bundesliqada çıxış etməsi təsadüf deyil. Fikrimcə, rəqib yaxşı oynadı. Azərbaycan yığmasından razı qalmamaq düzgün olmaz. Rəqib Fernando Santuş tərəfindən yaxşı səviyyədə formalaşdırılıb. Ümumiyyətlə, azərbaycanlılar bizə qarşı keçirdiyi bütün matçlarda yaxşı oynayıb.

KƏNAN BAHADIR