"Nəticədən razı qaldım" - Li Karsli
AÇ-2025-in 21 yaşadək keçirilən Seçmə oyununda İngiltərə millisi Azərbaycan yığmasına 5:1 hesabıyla qalib gəlib.
"Football-plus.az" xəbər verir ki, matçdan sonra qonaqların baş məşqçisi Li Karslinin brifinqi keçirilib. Sizi ingiltərəli mütəxəssisin fikirləri ilə tanış edirik:
"Oyundan əvvəl bilirdik ki, bizim üçün çətin sınaq olacaq. Rəqibin oyunlarını izləmişdik. Azərbaycan millisinə hörmətlə yanaşırdıq. Rəqibi məğlub etmək üçün yaxşı səviyyədə oynamalı idik. Yaxşı çıxış etdik. Azərbaycan millisinə qarşı İngiltərədə oynamağı səbrsizliklə gözləyirik".
- Demək olar ki, sizin üçün asan oyun keçdi?
- Xeyr, biz elə hiss etmədik. Azərbaycan millisinin yaxşı fürsətləri oldu. Əsasən də əks-hücumlarda və standart vəziyyətlərdə. Nəticədən razı qaldım.
- Azərbaycan millisi sizə hansı çətinliklər yaratdı?
- Əsasən onları əks-hücumda gözləyirdik. Oyunun əvvəlində yaxşı fürsətləri oldu. Həmin epizodda yaxşı müdafiə olunduq.
Digər xəbərlər
