"Qəbələ"də qalmaq istəyirəm, amma..." - sadiq kapitanı hansı məqam narahat edir?
2024/25 "futbol ili"ni 1-ci liqada keçirən "Qəbələ" çempion oldu və premyer-liqaya vəsiqə qazandı.
Şübhəsiz, "qırmızı-qaralar"ın mövsümü uğurla başa vurmasında 38 yaşlı futbolçu Asif Məmmədovun da payı var. Ona görə ki, 2015-ci ildən bölgə təmsilçisinin şərəfini qoruyan yarımmüdafiəçi karyerasını başqa klubda davam etdirmək və ya bitirmək seçimlərini kənara qoymaqla komandasının yenidən elita klublarının sırasına qoşulması üçün qollarını çırmaladı. Futbol dilində desək, kapitan vəfa borcunu ödədi.
Bəs onun bundan sonrakı planları hansı yöndədi? Karyerasını "Qəbələ"də davam etdirib yenidən premyer-liqada top qovmaq fürsətini dəyərləndirmək istəyir, yoxsa başqa klublarla danışıq aparır? Bəlkə butsları mismardan asmaq vaxtının gəldiyini düşünür?
Asif Məmmədov "Football-plus.az"ın suallarını cavabladı:
"Düzü, bu barədə dəqiq nəsə yoxdu. Hələ istirahət edirik. Təxminən 10 gündən sonra yeni mövsümlə bağlı işlərə start veriləcək. Məsələyə yalnız bu vaxt aydınlıq gələcək. Bəli, "Qəbələ"də qalmaq istəyirəm, amma hər şey təkcə mənim istəyimlə olmur. Rəhbərliklə görüşüb müzakirə aparacağıq. Məsləhət olsa, qalacam. Əks halda, başqa seçimləri dəyərləndirəcəm".
KƏNAN BAHADIR
Digər xəbərlər
