Mbappe ''Qızıl top'' uğrunda mübarizədə səs verəcəyi futbolçunun adını açıqladı
''Real''ın və Fransa yığmasının ulduzu Kilian Mbappe Fransanın ''RMC Sport'' kanalına diqqətçəkən açıqlamalar verib.
"Football-plus.az" xəbər verir ki, ''Qızıl top'' uğrunda mübarizədə favoritini və kapitan kimi səs verəcəyi futbolçunun adını açıqlayıb:
''Dembeleye səs verəcəmmi? Bəli. Hərçənd bunu indi sizə açıqlamaq məcburiyyətində olub-olmadığımı bilmirəm. Artıq aydın məsələdi ki, mübarizə Yamal ilə Dembele arasında gedəcək. Ancaq hər şey sürətli şəkildə dəyişə də bilər. ''Qızıl top''u son qazananların adları da bunu bir daha sübut edir. İndi əsas namizəd sayılanları ilk aylarda heç kim müzakirə etmirdi. Sentyabr gəlibmi? Xeyr. Deməli hələ çox şey dəyişə bilər. Amma bu gün üçün iki əsas namizəd var və mən də onların arasında seçimimi etmişəm''.
Hələ 18 yaşı tamam olmamasına baxmayaraq Yamal geridə qoyduğumuz mövsümdə sərgilədiyi oyunla ''Qızıl top'' uğrunda mübarizədə favoritlərdən birinə çevrilib. ''Barsa'' ilə İspaniya daxilində mümkün olan bütün titulları qazanan Yamal yığma ilə Millətlər Liqasını da qazanmağa yaxındı. Mbappenin favoriti olan yığmadakı komanda yoldaşı Dembele də PSJ ilə Fransa daxilində mümkün olan hər şeyi qazanıb. Amma onun əsas üstünlüyü ÇL-in qalibi olmasındadı.
Digər xəbərlər
