“Tottenhem”də gözlənilən ayrılıq baş verib.

"Football-plus.az" xəbər verir ki, London klubu baş məşqçi Angelos Postekoğlu ilə yolları ayırıb.

Komandanı 2023-cü ildən çalışdıran 59 yaşlı mütəxəssis son mövsümdə Avropa Liqasının qalibi olub. Bu, klubun 2008-ci ildən sonra qazandığı ilk tituludu. Paytaxt komandası İngiltərə premyer-liqasında 38 xalla 17-ci yeri tutmuşdu. Rəhbərlik məhz ölkə çempionatındakı uğursuz nəticəyə görə avstraliyalı məşqçi ilə vidalaşmağı lazım bilib.

İnsayder Fabritsio Romanonun yaydığı xəbərə görə, Postekoğlunun istefa qərarını “Tottenhem”in prezidenti Deniel Levi verib. Hazırda baş məşqçi vəzifəsinə əsas namizəd isə “"Brentford”u çalışdıran Tomas Frankdı.