Maurisio Poçettino tezliklə ABŞ yığmasını tərk edəcək. Onun əvvəlki iş yerlərindən birinə qayıdacağı xəbər verilir.

"Footbalı-plus.az" xəbər verir ki, “Tottenhem”in sabiq baş məşqçisi London klubuna qayıtmağa yaxındı.

“TBR Football”un məlumatına görə, komandanın hazırkı baş məşqçisi Angelos Postekoğlu mövsümün sonunda istefaya göndəriləcək. Hətta londonluların Avropa Liqasında qalib gəlməsinin belə avstraliyalı mütəxəssisin istefadan qurtarmayacağı vurğulanır. Ona görə ki, rəhbərlik hazırda premyer-liqada 33 turdan sonra 37 xalla 16-cı yerdə olan komandanın çıxışından narazıdı.

Poçettinoya gəlincə, o, 2014-19-cu illərdə London klubunun baş məşqçisi olub. Argentinalı mütəxəssis ABŞ yığmasını 2024-cü ilin sentyabrından çalışdırır.