''Bu turnirdə mübarizə aparmaq bizim üçün qürurdu. Bu məqam son illərdə Çempionlar Liqasında və premyer-liqada mühüm işlər gördüyümüzü təsdiq edir. Bizim üçün yeni bir turnirdi və onun startını səbirsizliklə gözləyirik. Təbii ki, qalib gəlmək çox gözəl olardı. Bunu inkar edə bilmərəm. Amma bizdən başqa bu hədəflə turnirə qatılan daha 31 klub var. Mən adətən hər hansı bir turnirdə mübarizəyə başladıqda ''mütləq qazanacağıq'' və ya ''qazanmalıyıq'' kimi bir düşüncədə olmuram. Hər zaman pillə-pillə irəliləməyə üstünlük verirəm. Son illərdə ''Siti''nin bütün dünyada azarkeş kütləsi artıb və bunu görmək xoşdu. Mövsümöncəsi hazırlıq dönəmində istər Asiya, istərsə də Amerikada keçirdiyimiz oyunlara hər zaman böyük maraq olur. Tribunalar mavi rəngli forma geymiş insanlarla dolu olur. Oyunçularımızdan imza və şəkil istəyirlər. Belə şeylər bizi qürurlandırır. Mənim bütün həyatımı dəyişən şəxs Yohan Kroyffdu. O mənim sanki zehnimi açdı və məşqçi kimi üstünlük verdiyim oyun tərzini seçməyimdə mühüm rol oynadı. Bəlkə də futbolçu kimi Kroyffla heç vaxt qarşılaşmasaydım, baş məşqçi olmazdım".