“Hypers Quba” 1-ci liqaya çıxsa, “Şimal” nə edəcək?
“Hypers Quba” Quba şəhər stadionu ilə imzaladığı müqaviləyə xüsusi bənd əlavə etdirib. Həmin bəndə görə, eyni liqada çıxış edən digər komandanın bu stadiondan istifadə etməsi qadağandı. Bu məqam isə yeni mövsüm ərəfəsində ciddi problem yarada bilər.
Belə ki, artıq “Şimal” 1-ci liqaya vəsiqəni rəsmiləşdirib. Digər tərəfdən, “Hypers Quba” da pley-off mərhələsini adlayacağı təqdirdə eyni liqada iştirak haqqı qazanacaq.
Siz də 1-ci liqaya yüksəlsəz, “Şimal”ın ev oyunlarını burada keçirməsinə razı olarsınızmı? Bu sualı “Hypers Quba”nın prezidenti Ayaz Abdullayevə ünvanladıq:
“Şimal”a özüm təklif etmişəm. Biz 1-ci liqaya çıxmasaq, bizim stadionda oynaya bilərlər. Stadionun ümumi xərcləri çoxdu. O zonada futbola böyük maraq var. Hər iki komanda 1-ci liqaya yüksələrsə, bir komanda oynaya bilər. Biz birinci liqaya yüksələ bilməsək, “Şimal”a stadionda oynamaq imkanı verə bilərik”.
ƏSƏD SEYİDOV
Digər xəbərlər
