''Arsenal''ın əfsanəsi komandanı tənqid etdi
''Arsenal''ın əfsanəsi Tyerri Anri qatıldığı bir podkastda mövsümün yekunları barədə danışarkən diqqətçəkən ifadələr işlədib.
"Football-plus.az" xəbər verir ki, Mikel Artetanın komandası ümumilikdə mövsümü pis keçirməsə də, heç bir titul qazana və heç bir finala yüksələ bilmədi. ''Arsenal''da çox böyük iz buraxan və klub tarixinin ən məhsuldar oyunçusu statusunda olan, hazırda isə futbol eksperti kimi çalışan 47 yaşlı Anri bunları deyib:
''Son 3 ildə bir titul qazanmalı və ya ən azı bir final görməli idik. Bütün turnirləri nəzərə alsaq, ''Mançester Yunayted'' son 5 ildə 5 dəfə finalda oynayıb. Hər kəs tərəfindən məzə və gülüş obyektinə çevrilən ''Yunayted''! Amma ''Arsenal'' son 3 ildə bir dənə də olsun final görməyib. Bu mövsüm çempionluq mübarizəsində ''Liverpul''a layiqli müqavimət göstərə bilmədik. İnsanların bu haqda nə düşündüyünü bilmirəm, amma mövsümün heç bir anında normal çempionluq yarışı apara bilmədik. Bu mövsümün çox ciddi bir xəyal qırıqlığı ilə nəticələndiyini demək istəmirəm. Amma insanların komandanın performansına və nəticələrinə dair bəzi suallarının olması normaldı".
Digər xəbərlər
