''Qalatasaray''ın ulduzu Mauro İkardi yavaş-yavaş futbola geri dönməyə hazırlaşır. Argentinalı forvard artıq komandanın məşqlərində də görünür.

Bilindiyi kimi İkardi mövsümün ilk dövrəsində dizindən ciddi zədə alaraq uzun müddətə sıradan çıxmışdı. Vətəninə yollanan tanınmış futbolçu Vanda Nara ilə boşanaraq Çayna Suares ilə yeni münasibətə başlamışdı. Onlar bir müddət Argentinada yaşasalar da, İkardi artıq zədəsini sağaltdığından yenidən həyatını Türkiyədə keçirməlidi.

Bu üzdən ikilinin münasibətlərinin necə davam edəcəyi maraq doğurur. Argentina mediasında çıxan xəbərlərə görə Suares artıq Türkiyədən iş təklifləri almağa başlayıb və hazırda onları nəzərdən keçirir. Jurnalist Mario Belen Luduenanın sözlərinə görə İkardinin meneceri Elio Letterio Pino hazırda Çayna Suares üçün Türkiyədə ən yaxşı şərtlərdə iş axtarır.

Tam adı Mariya Euqeniya Suares Riveyro olan 33 yaşlı bu xanım aktrisadı. Onun türk dilini öyrənməsi ehtimalı az olsa da, ən azı reklam çarxlarında çəkilə biləcəyi güman edilir. O artıq bəzi markalardan reklamda çəkilmək təklifi alıb.

Mövsümün gedişində bir dəfə İkardi ilə birlikdə İstanbula gələrək burda bir neçə gün qalan Suares ən son ''Qalatasaray''ın çempionluq tədbirində də iştirak etmişdi.