Fransada çempionun kimliyinə çoxdan aydınlıq gəlsə də, cavabını gözləyən bir çox başqa sual var.

33-cü turun bütün oyunları eyni vaxtda başladı. Köhnə-yeni çempion PSJ, demək olar ki, əvəzedici heyətlə “Monpelye”ni darmadağın etdi. Ramuşun het-triklə yadda qaldığı oyunla bağlı heç bir turnir motivasiyası yox idi. Amma başqa oyunlar üçün ən müxtəlif intriqa mənbələri tapmaq olar. “Marsel” son dəqiqələrdə autsayder “Havr”ın müqavimətini qırmaqla növbəti mövsümdə Çempionlar Liqasında yerini təmin etdi. Bu oyunda da fərqlənən Qrinvud bombardirlər cədvəlində yalnız Dembeledən geri qalır.

“Monako” isə “Lion” üzərində inamlı qələbə qazandı. “Knyazlar” da gələn mövsüm qitənin ən nüfuzlu klub turnirində oynayacaq.

PSJ, “Marsel” və “Monako”nun əsas mərhələdə yer alacağı bəllidisə, təsnifat mərhələsində oynamağa imkan verən 4-cü yer uğrunda son turda da amansız mübarizə gedəcək. İş ondadı ki, həmin yerə iddialı komandaların – “Nitsa”, “Lill” və “Strasbur”un hər biri hesabat turunda uduzdu.

“Renn”in qonağı olan “Nitsa” heç bir motivasiyası qalmayan rəqibdən iki top buraxdı. PSJ-nin yetirməsi Kalimuendo dublla yadda qaldı. 23 yaşlı hücumçu cari mövsümdə 17 qol vurub. 57 xala malik “Nitsa” 4-cü yerdə qaldı. Axı “qartallar”ın əsas rəqibləri “Lill” və “Strasbur” da məğlubiyyətlə barışdı. “Şimallı itlər” səfərdə “Brest”lə bacarmadı – 0:2.

Yeri gəlmişkən, “Brest”in də heç bir turnir motivasiyası qalmayıb. “Strasbur” isə səfərdə “Anje”yə uduzdu – 1:2. “Qara-ağlar” Lepolun dublu sayəsində sevindi. “Anje” növbəti mövsüm üçün elitada yerini təmin etdi. Beləliklə, “Nitsa”, “Lill” və “Strasbur” son tura 57 xalla qədəm qoyur. 54 xalı olan “Lion”u da 4-cü yer uğrunda mübarizədən silməyək. Onu da xatırladaq ki, xalların bərabərliyi halında daha yaxşı top fərqinə malik olan komanda yuxarı pillədə qərarlaşacaq.

Turun qalan oyunlarına gəlincə, “Reyms”i məğlub edən “Sent-Etyen” xalını 30-a çatdırdı. “Yaşıllar” 17-ci pillədə qalsa da, hələ də onların xilas imkanı var. İrəlidə isə “Havr” (31), “Nant” və “Reyms” (hərəyə 33) qərarlaşıb. “Xilaskar” 15-ci yerdə qrəarlaşan “Nant” hesabat turunda səfərdə “Oser”lə heç-heçə etdi. Heç bir turnir əhəmiyyəti daşımayan daha bir oyunda “Tuluza” ilə “Lans” “sülh bağladı”.

ÇL-ə vəsiqə verən 4-cü yerin sahibi ilə yanaşı, “Monpelye”nin ardından elitanı tərk edəcək daha bir komandanın adına sonuncu turda aydınlıq gələcək. Son iki yeri tutan komandalar avtomatik elitanı tərk edir, 16-cı yeri tutan isə Liqa 2-nin 3-cü komandası ilə iki oyun keçirir.

33-cü tur
Monpelye – PSJ 1:4
Kulibali, 80 – Mayulu, 44. Ramuş, 49; 59-p.; 65. (16787)
PSJ: Tenas, Zair-Emeri, Tap, Beraldo, Ernandes, Li Kan İn, Mayulu, Mbay, Due (Kamara, 60), Ramuş, Barkola (Zaqe, 68).

Havr – Marsel 1:3
Sumare, 66 – Quiri, 56; 90+9. Qrinvud, 85. (23831)
Marsel: Rulyi, Murilyo, Balerdi, Kornelius, U.Qarsiya (Merlen, 76), Ronjye, Heybyerq, Qrinvud (Felipe, 89), Rabyo, Rou (Enrike, 62), Quiri.

Monako – Lion 2:0
Minamino, 62. Zakariya, 68. (13578)
Monako: Kön, Teze (Vanderson, 76), Sinqo, Kerer, Enrike, Akliuş, Zakariya (Mavissa, 86), Kamara (Maqassa, 78), Minamino (Dyatta, 86), Embolo, Biret (Ben-Seqir, 76).

Renn – Nitsa 2:0
Kalimuendo, 15; 80. (26118)

Brest – Lill 2:0
Ajork, 42. Dumbiya, 64. (14556)

Anje – Strasbur 2:1
Lepol, 15; 48 – Bakva, 43. (14391)

Reyms – Sent-Etyen 0:2
Tardye, 3. Kardona, 41. (18630)

Oser – Nant 1:1
Perren, 45 – Leru, 62. (17277)

Tuluza – Lans 1:1
Qboo, 48 – Əl-Aynaui, 61. (27890)

1. PSJ 33 25 6 2 89-34 81
2. Marsel 33 19 5 9 70-45 62
3. Monako 33 18 7 8 63-37 61
4. Nitsa 33 16 9 8 60-41 57
5. Lill 33 16 9 8 50-35 57
6. Strasbur 33 16 9 8 54-41 57
7. Lion 33 16 6 11 63-46 54
8. Brest 33 15 5 13 52-53 50
9. Lans 33 14 7 12 38-39 49
10. Oser 33 11 9 13 47-48 42
11. Renn 33 13 2 18 49-46 41
12. Tuluza 33 10 9 14 41-41 39
13. Anje 33 10 6 17 32-51 36
14. Reyms 33 8 9 16 32-45 33
15. Nant 33 7 12 14 36-52 33
16. Havr 33 9 4 20 37-69 31
17. Sent-Etyen 33 8 6 19 37-74 30
18. Monpelye 33 4 4 25 23-76 16

Bombardirlər: Dembele (PSJ) – 21, Qrinvud (Marsel) – 20, Kalimuendo (Renn) – 17, Devid (Lill) - 16.
Sonuncu turun oyunları bu gün keçiriləcək: Marsel – Renn, Lion – Anje, Nitsa – Brest, Sent-Etyen – Tuluza, Lill – Reyms, Strasbur – Havr, Nant – Monpelye, Lans – Monako, PSJ – Oser.

Turun rəqəmi
16 – Ramuş cəmi 16 dəqiqə ərzində “Monpelye”nin qapısından üç top keçirdi. Portuqaliyalı forvard 49, 59 və 65-ci dəqiqələrdə fərqləndi. Qonsalo 2025-də ikinci dəfə het-trik etdi. Fevralda keçirilən ölkə kubokunun 1/4 final oyununda da “Brioşen”in qapısına üç dəfə yol tapa bilmişdi.

Turun ulduzu
Arno Kalimuendo (Renn) – ÇL-ə can atan “Nitsa”nı sərt şəkildə cəzalandırdı. Baxmayaraq ki, onun komandasının heç bir turnir hədəfi qalmayıb. Gənc hücumçunun bombardirlər cədvəlində yalnız Dembele ilə Qrinvuddan geri qalması da öyünüləsi məqamdı.

Turun sitatı
Tilo Kerer, “Monako”nun müdafiəçisi:

Faktlar
* “Monako” 31-ci dəfə mövsümü ilk “3-lük”də bitirdi. Bu göstəricidə “knyazlar”ın ən yaxın izləyiciləri “Marsel” (29) ilə PSJ-di. (25).
* PSJ-nin start heyətində yer alan futbolçuların orta yaşı 21 il 251 gün idi. Bu isə klub tarixində çempionatda çıxış edən ən gənc heyətdi.