Avropanın milli çempionatlarında futbol mövsümü başa çatmaq üzrədi. Beynəlxalq İdman Araşdırmalar Mərkəzinin (CIES) çempionatlara aid hazırladığı raportda bir məqam xususi olaraq diqqəti cəlb edir. Avropada oyunun ən çox durduğu çempionatlardan olan Türkiyə çempionatı başqa bir göstəricidə də fərqlənməyi bacarıb.

Belə ki, superliqa Avropanın ən güclü 10 çempionatı arasında matçlara hakimlər tərəfindən ən çox zaman əlavə olunan turnirdi. 2024/25-də Türkiyə çempionatında orta hesabla hər oyuna ümumilikdə 10 dəqiqə 27 saniyə vaxt əlavə olunub! Bu göstəricidə superliqa ən yaxın rəqibini 41 saniyə qabaqlayaraq inamla liderlik edir. Belə ki, ikinci pillədə İngiltərə çempionatı qərarlaşıb. Premyer-liqada orta hesabla hər oyun 9 dəqiqə 46 saniyə artıq oynanılır. ''3-lüy''ü 9 dəqiqə 25 saniyə ilə Fransa çempionatı tamamlayır. Sonda tam siyahı ilə sizi tanış edirik.

1. Türkiyə (çempionatı): 10 dəqiqə 27 saniyə
2. İngiltərə: 09.46
3. Fransa: 09.25
4. İspaniya: 09.06
5. Portuqaliya: 09.04
6. Belçika: 08.48
7. Çexiya: 07.58
8. Almaniya: 07.53
9. Niderland: 07.34
10. İtaliya: 07.12