Avropanın ən güclü 10 çempionatı ilə bağlı maraqlı statistik məqam ortaya çıxıb.

''Football-plus.az'' xəbər verir ki, məlum olub ki, topun ən az oyunda qaldığı və eyni zamanda matçların müddətinin ən uzun olduğu turnir Türkiyə çempionatıdı. Superliqada bir matçda top orta hesabla 51 dəqiqə 53 saniyə oyunda qalır.

Eyni zamanda superliqada oyunlar orta hesabla 100 dəqiqə 28 saniyə davam edir! Əslində Türkiyə klublarının avrokuboklarda uğur qazana bilməməsinin də bir səbəbi məhz budu. ''Opta''nın açıqladığı göstəricilərə əsasən Avropanın ən güclü 10 çempionatında topun ən çox oyunda qaldığı (57 dəqiqə 52 saniyə), matçların oynanılma müddətinin ən az (97 dəqiqə 44 saniyə) olduğu turnir Niderland çempionatıdı. Yəni erediviziya matçlarında top 59,2 faiz oyunda qalır.

İngiltərə premyer-liqasında erediviziya ilə müqayisədə top 39 saniyə daha az oyunda qalır (57 dəqiqə 13 saniyə). Amma matçların oynanılma müddəti 2 dəqiqə 13 saniyə daha çoxdu (99 dəqiqə 53 saniyə).

ƏLİ